قصة شامان كنغ

موضوع: قصة شامان كنغ الأحد يوليو 11, 2010 8:29 am

وبحكيلكم عن اول حلقه فقط

هذا اسمه اومادا مانتا الصديق الوفي للبطل واول صديق للبطل يوكو

كان اول اللقاء بينهم ان مانتا كان يتمشى في الليل وهو يتمشى مر على المقبره وسمع اصوات غريبه
من المقبره وراح مانتا داخل المقبره علشان يعرف مصدر الصوت
وفجأه شاف يوكو يتكلم مع ارواح المقبره ومع واحد ساموراي الي هو الشامان ماله ويسولف وياهم
وهذا هو الشامان ويوكو

واول ماشاف مانتا المنظر صرخ من الخوف وشرد
ومن بكرة راح يخبر اولاد المدرسه وطبعا كالعادة ماحد صدقه ورن جرس الحصه الاولى وقبل لا يبدون
دخل عليهم يوكو الطالب الجديد عاد مانتا اول مشافه كربن المسكين وخاف وطول الحصه وهو خايف
وبعد الحصه جا مانتا عند يوكو علشان يقوله عن الي شافه في المقبره ويسأله وهو خاااااااايف
بس الي احيده انه ابتسم معاه اصلا البطل دومه يبتسم يوزع صدقات
المهم وبعدين راح مانتا للمقبره مره ثانيه( ترى انا شوي اختصر اوكي )وحصل في المقبره عصابه خطيره وزعيمها اسمه مستر دراجون

كانوا في المقبره يتكلمون ومانتا متخبي خايف منهم ودراجون عنده سيف خشبي وكان معصب مااتذكر شو السالفه المهم انه كسر
الصخره الي تنحط على المقبره ما عرف شو اسمها مالت الساموري( شامان يوكو)
وشاف مانتا المنظر ومن الخوف شغل التيربو وداس على 200بس للاسف انكشف من قبل العصابه
واول ماشافه دراجون عصب وامر عصابته انهم يضربون مانتا الي لاحول ولا قوه المسكين
وكان مصيره الضرب المبرح

ومن بكره راح المدرسه وسألوه ربعه عن الي صار وشافه يوكو وطبعا يوكو عصب يوم شاف القبر مال الساموري
بس ماكان يعرف من الي كسره لذلك حب يساعد مانتا ويعرف من الي ضربه وكسر الصخره
وبعد الدوام مسك يوكو أيد مانتا علشان يساعده وقاله انت صديقي من الان وسوف اساعدك
وراح يوكو ومانتا المقبره وربط مانتا على الشجره علشان مايشرد وانتظرو الين ما اتى دراجون والعصابه
واول ماشاف دراجون يوكو سأله: لماذا انت هنا رد عليه يوكو: هل انت من فعل هذا يقصد على القبر مال الساموراي وكان يوكو واقف جنب القبر
رد عليه دراجون باستهزاء:نعم انا ومن تكون ردعليه :سوف تندم على ذلك عصب دراجون وامر العصابه بضرب يوكو
لكن يوكو استدعى روح الساموراي ودخل فيه واصبح قوي
هذا يوم يستدعي الروح وهجم هو والساموراي العصابه

وضربو العصابه ضرب حتى ان دراجون اتصفع منه وقص شعر دراجون المسكين وشردوا
وبعدين فهم يوكو مانتا عن القصه وان هذا القبر يهمه كثير وهو فبر الشامان ماله ويتسمد قوته منه
وصلح مانتا ويوكو القبر هما الاثنان واصبحوا اصدقاء

هذا بعد ماصلحوا القبر
ومن ثم تحدث احداث شيقه في المسلسل وكثيره لذلك حبيت اعطيكم نبذه عن الشخصيات الاخرى وباختصار
لان كل شخصيه لها قصه
الشخصيات
هذي اسمها مسز آنا وهي البطله طبعا

وتسمي نفسها خطيبه يوكو وتحبه وايد
شفتو السلسله الي في ايدها هاذي الله يسلمكم تنادي فيها الارواح الميته
بس ما تدخل فيها الروح وانما تساعد بس هي ماتضارب وشخصيتها ولايعجبها العجب ولا الصيام في رجب ودائما تعذب البطل المسكين هو ومانتا
هاذي الصوره وهي تعذبهم ودائما تقول ليوكو:لأتزوجك يجب ان تكون الشامان كنج اسميها ذلته ذل

دراجون
وهذا طبعا دراجون هذا الشامان ماله ودراجون يصبح فيما بعد
صديق يوكو ومانتا وصار يحب يوكو كثير وقرر يكون مثله ويكون
عنده شامان
لين
وهذا الشامان ماله وهو قوي جدا تعادل مع يوكو يوم تضاربوا وكان يكره يوكو كره
جوون اخت لين (طبعا هذي اساميهم في المسلسل)
وهذي البنت تضاربت مع يوكو قبل اخوها بس يوكو فاز

وهذي شوية صور لهم

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480 الابعاد 67KB.

نرجع للقصة...............................
كلهم يتابارون للحصول على لقب (شامان كنج)
ويروحون لامريكا وقبل لا يرحون قابلوا في المطار متنافس قوي جدا لكن ماضاربهم وانما توعدهم بلقياهم في امريكا في الدوري
ومن ثم تصير احداث كثيره
قصة شامان كنغ Confused